Su Comunu de Pauli impari a su comunu de Quartùcciu, cun su progetu LUEGUS, finantziau de sa Regione Autònoma de Sardigna cunforma a sa L.482/99 “Normas in matéria de amparu de is minorias linguísticas stòricas” e a sa L.R. 22/2018, fait sciri a is tzitadinas e a is tzitadinus chi de su 05 de Gennàrgiu 2023 e fintzas a su 31 de su mesi de Idas 2023 incarrerant is fainas de s'Ufítziu de sa Língua Sarda.
S'Ufítziu po imoi at a essi abertu in manera online, e prus a prestu in presèntzia: sa giòbia, su cenàbara e su sàbudu da oras de is 08.00 a oras de is 14.00.
S’operadori at a essi Dot. Sarigu Salvatore, ca fait a ddu intendi fintzas cun sa mail:
E-mail : ufitziulinguasarda2@gmail.com o a sa pàgina facebook afatantis: https://www.facebook.com/profile.php?id=100088830052081
S’Ufítziu de sa Língua Sarda est a disponimentu de is Scolas, de is Assótzius, de is Atividadis cumertzialis e artisanas, de is tzidadinas e tzitadinus chi bolint: fueddai in sardu cun s' Aministratzioni Comunali; apariciai ainas/materialis po is pipius e is piciocheddus; imparai a ligi e scriri in sardu; apariciai ainas/materialis po is atividadis cosa insoru ( es. locandinas, cartellinus o etichetas merceològicas), tenni informatzionis chi pertocant sa língua, is traditzionis e sa stória de sa Sardìnnia.
